جزیرہ نانشا میں تعمیراتی عملے پر امریکہ کی پابندی چین کے اندرونی معاملات میں مداخلت ہے، چینی وزارت خارجہ

ستائیس اگست کو چینی وزارت خارجہ کی پریس کانفرنس میں سوال پوچھا گیا کہ امریکی وزارت تجارت کی جانب سے چین کے جزیرہ نانشا میں تعمیراتی کام میں شامل چینی کمپنیوں اور اہلکاروں پر پابندیاں عائد کرنےکے اعلان سے متعلق چین کا کیا موقف ہے؟

چینی وزارت خارجہ کے ترجمان جیاو لی جیان نے اس سوال کا جواب دیتے ہوئے کہا کہ چینی لوگ اپنے سرزمین میں تعمیر اتی کام کر رہے ہیں ، یہ بالکل چین کی خودمختاری کے دائرہ کار میں ہے اور اس کا عسکریت پسندی سے کوئی لینا دینا نہیں ہے۔ چینی کاروباری اداروں اور اہلکاروں نے اپنے ملک میں تعمیر کا کام کیا ہے جو کہ قانونی ہےاور اس حوالے سے امریکی پابندی بلاجواز ہے ۔ امریکہ کا یہ اقدام چین کے اندرونی معاملات میں مداخلت نیز بین الاقوامی قوانین اور اصولوں کی خلاف ورزی ہے۔یہ سراسر غاصبانہ طرزِ عمل ہے اور چین اس کی شدید مخالفت کرتا ہے۔ ہم امریکہ پر زور دیتے ہیں کہ وہ اپنی غلطیوں کو سدھارے اور چین کے اندرونی معاملات میں مداخلت کو ختم کرے ۔ چین مضبوط اقدامات اختیار کر تے ہوئے اپنے کاروباری اداروں اور لوگوں کے مفادات کا تحفظ کرے گا۔