امریکی سفارت کاری میں زوال خود امریکہ اور دیگر دنیا کے لیے ایک بڑا خطرہ ، چینی وزارت خارجہ

چین کی وزارت خارجہ کی ترجمان ہوا چھون اینگ نے یکم تاریخ کو میڈیا بریفنگ میں کہا کہ یہ امر افسوسناک ہے کہ آج امریکہ کی سفارت کاری دھونس ، پابندیوں ،غلط بیانی اور اپنی غلطیوں کا ملبہ دوسروں پر ڈالنے کے رویوں پر منحصر ہے۔ امریکہ کے معاون وزیر خارجہ ڈیوڈ سٹیل ول نے اس سےقبل کہا تھا کہ امریکی پالیسی میں" حالیہ ترتیب" کی بنیادی وجہ بیجنگ سے بڑھتا ہوا خطرہ ہے۔چینی ترجمان کے مطابق ڈیوڈ سٹیل ول کا بیان حقائق کے برعکس ہے ، چند امریکی سیاستدان اورسینئر سفارت کار غلط بیانی ، افواہ سازی اور ہر وقت چین کو بدنام کرنے کی کوششوں میں مصروف ہیں۔