چین کا دیگر ممالک پر عالمی ادار ہ صحت کی امداد بڑھانےکے لیے زور

چین کی وزارت خارجہ کی ترجمان ہوا چھون اینگ نے چار تاریخ کو میڈیا بریفنگ کے دوران عالمی برادری پر زور دیا کہ وہ ڈبلیو ایچ او کے لیے اپنی امداد میں اضافہ کرے۔ اطلاعات کے مطابق امریکہ نے رواں برس ڈبلیو ایچ او کو واجب الادا فنڈز اقوام متحدہ کے دیگر منصوبوں کے لیے دینے کا فیصلہ کیا ہے۔

چینی ترجمان نے کہا کہ موجودہ وبائی صورتحال میں ، ڈبلیو ایچ او پر کسی بھی قسم کا دباو یا بلیک میلنگ انسانی زندگیوں کو نظر انداز کرنے سمیت انسداد وبا کے عالمی تعاون کو نقصان پہنچائے گا ۔ایسے رویے عالمی برادری کے لیے قابل قبول نہیں ہو سکتے ہیں۔