خدماتی تجارتی سمٹ سے چینی صدر شی جن پھنگ کے خطاب نے کھلے پن پر عمل پیرا ہونے کے چینی عزم کو دہرایاہے

چینی صدر شی جن پھنگ نے چار ستمبر کو دو ہزار بیس چائنا انٹرنیشنل ٹریڈ ان سروسز سمٹ سے اہم خطاب کیا جس کے بارے میں دیگر ممالک کی شخصیات نے اپنے خیالات کا اظہار کرتے ہوئےکہا کہ شی جن پھنگ کے خطاب نے چین کے کھلے پن کے عزم کو دہرایا ہے اور کووڈ-۱۹ وبا کے سائے سے نکلنے کے لیے سمت دکھائی ہے۔
چین میں تعینات مالٹا کے سفیر جان ایکیلینا کے خیال میں خدماتی تجارتی میلے نے دنیا کو "مل کر کووڈ-۱۹ کا مقابلہ کرنے" کا اہم اشارہ دیا ہے۔
شی جن پھنگ نے اپنے خطاب میں تین تجاویز پیش کیں جس پر مختلف حلقوں کی شخصیات نے بھرپور توجہ دی ہے۔ مشاورتی کمپنی بی سی جی کے چیرمین ہنس پال برکنر نے کہا کہ چینی صدر شی جن پھنگ نے اپنے خطاب میں کھلے پن اور تعاون کو بڑی اہمیت دی ہے۔انہوں نے پرزور الفاظ میں کہا کہ اگر ہم کھلے پن کو جاری رکھیں ، تعاون کریں ، تو طاقتور اقتصادی ترقی اور تجارتی اضافہ سامنے آ ئے گا۔انہوں نے کہا کہ مختلف ممالک کو صرف اپنے ذاتی مفادات کی بجائے باہمی اعتماد اور حمایت کو اہمیت دینی چاہیے۔