چین "گلوبل ڈیٹا سیکیورٹی انیشی ایٹو" شروع کرنے کا خواہاں
2020-09-08 10:37:30
چین کے ریاستی کونسلر اور وزیر خارجہ وانگ ای نے آٹھ تاریخ کو عالمی ڈیجیٹل گورننس سمپوزیم میں کہا کہ چین اقوام متحدہ ، جی 20 ، برکس ، اور آسیان جیسے کثیرالجہتی پلیٹ فارمز کے تحت ڈیٹا سیکیورٹی مباحثوں میں تعمیری طور پر شریک ہو رہا ہے ، اور عالمی ڈیجیٹل گورننس کو مستحکم کرنے کے لئے اپنی خدمات سرانجام دے رہا ہے۔چین نئے تقاضوں اور چیلنجوں سے نمٹنے کے لیے " گلوبل ڈیٹا سیکیورٹی انیشی ایٹو "لانچ کرنے کا خواہاں ہے جس میں تمام فریقوں کا خیر مقدم کیا جائے گا۔اس اقدام کے بنیادی مقاصد میں ڈیٹا کا تحفظ ، کثیر الجہتی کا فروغ اور دوسرے ممالک کی بنیادی تنصیبات کو نقصان پہنچانے یا اہم ڈیٹا چوری کرنے کے لئے انفارمیشن ٹیکنالوجی کے استعمال کی مخالفت وغیرہ شامل ہیں۔
شیئر
