امید ہے بین الافغان مذاکرات نتیجہ خیز اور امن کے قیام میں مددگا ر ثابت ہوں گے ، چینی وزارت خارجہ

پہلے بین الافغان مذاکرات بارہ تاریخ کو قطر کے دارالحکومت دوحہ میں منعقد ہوئے۔ چینی وزارت خارجہ کے ترجمان وانگ وین بین نے چودہ تاریخ کو بیجنگ میں کہا کہ چین افغان عوام کو داخلی مذاکرات کے آغاز پر مبارکباد پیش کرتاہے۔ امید ہے کہ مذاکرات میں شامل دونوں فریق قومی مفادات کو اولین ترجیح دیتے ہوئے مشترکہ کوششوں کے ذریعے نتائج اور امن کے حصول کے لئے بات چیت کریں گے۔

وانگ وین بین نے کہا کہ بین الافغان مذاکرات کے دونوں فریق آپس میں بھائی بھائی ہیں ، مشکل اور کٹھن موڑ کاٹنے کے بعد ، بالآخر مذاکرات کی میز پر آئے ہیں اور افغان امن اور مفاہمت کے عمل میں ایک نیا باب کھولا ہے۔ تاریخ نے بار بار ثابت کیا ہے کہ فوجی ذرائع سے افغانستان میں امن حاصل نہیں ہوسکتا ، اور سیاسی طریقہ ہی ایک واحد صحیح راستہ ہے۔