چین ضرورت مند ممالک کو مدد اور رہنمائی فراہم کرتا رہے گا، شی جن پھنگ

چین کے صدر شی جن پھنگ نے 23 تاریخ کی شام بیجنگ میں اقوام متحدہ کے سکریٹری جنرل اینتونیو گوئترس سے ویڈیو لنک کے ذریعے ملاقات کی۔

شی جن پھنگ نے زور دے کر کہا کہ کورونا وائرس کی وبا اب بھی عالمی سطح پر پھیل رہی ہے ، اور اس وبا کے خلاف عالمی سطح پر جدوجہد کو کم نہیں کیا جاسکتا ہے۔ چین غیر مشروط طور پر تمام فریقوں کے ساتھ اپنے تجربات شیئر کرنے پر تیار ہے ، اور ضرورت مند ممالک کو مدد فراہم کرتا رہےگا۔ چین اقوام متحدہ کے نظام بالخصوص عالمی ادارہ صحت کے اہم قائدانہ کردار کی بھر پور حمایت کرتا ہے۔

شی جن پھنگ نےکہا کہ اس وبا نے بہت سے نئے مسئلے پیدا کردیئے ہیں ، لیکن آخری تجزیے میں ، امن اور ترقی لازم و ملزوم ہیں۔ سلامتی کونسل کو اجتماعی سیکیورٹی میکانزم کی حیثیت سے اپنا کردار ادا کرنا چاہئے ، اور مستقل ممبروں کو ایک مثال قائم کرنا ہوگی۔ یکطرفہ پسندی اور بالا دستی کی دوڑ میں شامل ہونے والی عوامی حمایت سے محروم ہوجائیں گے۔