تعطیلات کے دوران چائنا ریلوے سے یومیہ سفر کرنے والوں کی تعداد 10 ملین سے زائد رہی
2020-10-08 16:33:43
چائنا نیشنل ریلوے گروپ کمپنی لمیٹڈ نے سات تاریخ کو اعلان کیا کہ قومی دن کی تعطیلات اختتام پذیر ہورہی ہیں ، اور واپسی پر ریلوے سے سفر کرنے والے مسافروں کی تعداد میں نمایاں اضافہ ہوا ہے۔ 7 اکتوبر کو۱۲ ملین مسافروں نے ،چین کے قومی ریلوے سے سفرکیا جس کے لئے 1129 اضافی مسافر ٹرینیں چلائی گئیں۔
اعدادوشمار کے مطابق 6 اکتوبر کو 11.332 ملین مسافروں نے قومی ریلوے سے سفر کیا ، اسی طرح 30 ستمبر سے 6 اکتوبر تک مسلسل 7 دن تک روزانہ ایک کروڑ سے زائد مسافرون نے چائنا نیشنل ریلوے سے سفر کیا۔
تعطیلات کے دوران ، مسافروں کی تعداد بہت زیادہ رہی ۔ محکمہ ریلوے نے مسافروں کوحفظان صحت سے متعلق ذاتی طور پر احتیاطی تدابیر اختیار کرنے اور ریلوے حکام کے ساتھ تعاون کرنے کی ہدایت کی ہے تاکہ ٹرینوں میں وبا سے بچاؤ کو یقینی بنایا جاسکے۔
شیئر
