چین انسداد وبا کے موئثر اقدامات کے تحت عالمی درآمدی ایکسپو کے کامیاب انعقاد کے لیے پرعزم

چین میں آئندہ ماہ منعقد ہونے والی تیسری عالمی درآمدی ایکسپو میں انسداد وبا کے اقدامات کے حوالے سے گیارہ تاریخ کو بتایا گیا کہ ایکسپو میں شرکت کے لیے چین داخل ہونے والے تمام افراد چودہ دن تک قرنطین میں رہیں گے اور ان کی طبی صورتحال کا جامع معائنہ کیا جائے گا۔اس کے ساتھ ساتھ تمام شرکاء یا کارکنان کا نیوکلک ایسڈ ٹیسٹ کیا جائے گا اور نمائش گاہ میں داخلے کے لیے منفی نیوکلک ایسڈ ٹیسٹ رپورٹ درکار ہو گی۔مزید کہا گیا ہے کہ دوسرے ممالک یا علاقوں سے ایکسپو میں شرکت کے خواہش مند افراد چین میں داخلے سے قبل چودہ روز تک اپنی جسمانی صحت کا بغور مشاہدہ کریں۔