چینی مذہبی حلقوں کی امن کمیٹی کی طرف سے انسداد وبا کے حوالے سے ویبنار کا انعقاد

چین کے مذہبی حلقوں کی امن کمیٹی نے بارہ تاریخ کو بیجنگ میں بین الاقوامی ویبنار کا انعقاد کیا جس میں انسداد وبا کے حوالے سے چین کے تجربات پر روشنی ڈالتے ہوئے صحت سے متعلق بنی نوع انسان کے ہم نصیب معاشرے کی مشترکہ تعمیر کی اپیل کی گئی اور دنیا کو درپیش چیلنجز سے مشترکہ طور پر نمٹنے کے لیے باہمی تعاون کو فروغ دینے کی حمایت کا اظہار کیا گیا۔
ویبنار میں چین کی بدھ مت ، تاؤ مت ، اسلام ، کیتھولک ، اور عیسائی برادری کے سربراہان اور چینی مذہبی حلقوں کی امن کمیٹی کے دیگر ممبران نے شرکت کی۔ اس کے ساتھ ساتھ، عالمی مذہبی امن تنظیم ، ایشین مذہبی امن کانفرنس کے سربراہان ، اور آسٹریلیا ، بنگلہ دیش اور پاکستان سمیت 11 ممالک سے تعلق رکھنے والے مذہبی نمائندوں نےانٹرنیٹ پر ویبنار میں شرکت کی اور خطاب کیا۔
شرکاء نے عالمی سطح پر وبا کی روک تھام اور کنٹرول، انسانی صحت اور فلاح و بہبود کے تحفظ اور اقوام متحدہ کے 2030 پائیدار ترقی کےایجنڈے کے نفاذ کو فروغ دینے میں عالمی برادری کےکردار کے حوالے سے تبادلہ خیال کیا۔