چین کے انسانی حقوق کونسل کا رکن منتخب ہونے پر چینی وزارت خارجہ کا بیان

چینی وزارت خارجہ کے ترجمان چاؤ لی جیان نے چودہ تاریخ کو کہا کہ چین پانچویں مرتبہ یو این انسانی حقوق کونسل کا رکن منتخب ہوا ہے جس سے یہ ظاہر ہوتا ہے کہ عالمی برادری چین میں انسانی حقوق کی ترقی اور عالمی انسانی حقوق کے انتظام میں چین کی شرکت کی بڑی قدر کرتی ہے۔

یو این کی پچہترویں جنرل اسمبلی میں چین کو ایک مرتبہ پھر دو ہزار اکیس سے دو ہزار تیئس تک یو این انسانی حقوق کونسل کا رکن منتخب کرلیا گیاہے۔

چاؤ لی جیان نے کہا کہ چین انسانی حقوق کے تحفظ اور فروغ کو بڑی اہمیت دیتا ہے اور چینی خصوصیات پر مبنی انسانی حقوق کی ترقی میں بڑی کامیابیاں حاصل کرچکا ہے ۔چینی عوام کی خوشی کےاحساس میں مسلسل بہتری آرہی ہے۔

چاؤ لی جیان نے اس بات پر زور دیا کہ چین اس موقع سے فائدہ اٹھا کر اقوام متحدہ کے انسانی حقوق کے نظام کے کام میں حصہ لے گا اور انسانی حقوق کو سیاسی رنگ دینے اور دوہرے معیار کی مخالفت کرتا رہے گا ۔چین عالمی انسانی حقوق کے نصب العین کی صحت مندانہ ترقی کے لیے مزید خدمات سرانجام دیتا رہے گا۔