چین تمام ممالک کے ساتھ کھلے پن اور تعاون پر مبنی مشترکہ مفادات کو توسیع دیتا رہے گا، چینی وزارت خارجہ
2020-10-16 19:36:42
چین کی وزارت خارجہ کے ترجمان چاؤ لی جیان نے سولہ تاریخ کو ایک پریس کانفرنس میں کہا کہ چین مشترکہ مفادات پر مبنی کھلے پن کی پالیسی کو برقرار رکھے گا اور تمام ممالک کے ساتھ کھلے پن پر مبنی مشترکہ مفادات کو توسیع دیتا رہے گا اور تعاون کے دوران ترقی کے مواقع کا اشتراک کرے گا۔
پندرہ تاریخ کو گوانگ جو شہر میں ایک سو اٹھائیسویں کینٹن میلے کا آن لائن افتتاح ہوا۔ چاؤ لی جیان نے متعلقہ تفصیلات کی وضاحت کرتے ہوئے کہا کہ ابھی تک دو سو سے زائد ممالک اور علاقوں سے تعلق رکھنے والے چھبیس ہزار کاروباری اداروں نے کینٹن میلے میں شرکت کی ہے۔ اس آن لائن میلے میں چوبیس لاکھ سے زیادہ مصنوعات نمائش کے لئے پیش کی جارہی ہیں۔