چین کے کاروباری ماحول کے حوالے سے پہلی قومی رپورٹ کا اجرا

سولہ اکتوبر کو ۲۰۲۰ میں چینی کاروباری ماحول سے متعلق رپورٹ جاری کی گئی ۔یہ چین کے کاروباری ماحول کے حوالے سے پہلی قومی رپورٹ ہے ۔ رپورٹ کے مطابق ۲۰۱۹ میں چینی مارکیٹ میں داخل ہونے سے متعلقہ رکاوٹیں مسلسل کم کی گئی ہیں ،منصفانہ نگرانی کی کارروائیوں کو مضبوط بنایا گیا ہے ۔عوامی سہولیات کی خدمات کے معیار کو مسلسل بلند کیا گیا ہے اورجائزحقوق کے تحفظ پر زور دیا گیا ہے۔ چین کے کمیشن برائے قومی ترقی و اصلاح کےڈپٹی ڈائریکٹر لین نیان شو نے کہا کہ اس رپورٹ میں پہلی مرتبہ چینی کاروباری ماحول کی تشخیص کے بنیادی اصول ،مرکزی ہدف اور ترقی کی پیش رفت کا تعارف کروایا گیا ہے اور عالمی کاروباری ماحول کی بہتری میں چینی دانش اور منصوبہ بندی بیان کی گئی ہے۔