رواں سال کی پہلی تین سہ ماہیوں میں چین کی معاشی شرِح نمو منفی سے مثبت ہو گئی ہے ، قومی شماریات بیورو

انیس اکتوبر کو چین کے قومی بیورو برائے شماریات نے بتایا کہ رواں سال کی پہلی تین سہ ماہیوں میں چین کی معاشی شرحِ نمو منفی سے مثبت ہو گئی ہے ۔ مقامی طلب موجودہ چینی معیشت کی بحالی کی مرکزی قوت ہے ۔ چینی معیشت کی بحالی چین کی ترقی نیز عالمی معیشت کی بحالی کے لیے مفید ہے ۔ بیورو کے ترجمان کا کہنا ہے کہ اس وقت چینی معیشت بحال ہو رہی ہے ۔ستمبر میں چین کی برآمدات میں آٹھ اعشاریہ سات فی صد جب کہ در آمدات میں گیارہ اعشاریہ چھ فی صد کا اضافہ ہوا ہے ۔ چین کی مقامی معیشت کی بحالی سے چین میں درآمدات کے طلب میں بھی اضافہ ہو رہا ہے ۔