چین ترقی پزیر ممالک میں ویکسین کی دستیابی کے لیے اپنا کردار ادا کرے گا ، چینی وزارت خارجہ

چین کی وزارت خارجہ کے ترجمان چاولی جیان نے اکیس تاریخ کو ایک پریس کانفرنس میں کہا کہ چین " کووڈ - ۱۹ ویکسین کی تیاری کے منصوبے " کی ہمیشہ حمایت کرتا آیا ہے ۔ یاد رہے کہ آٹھ اکتوبر کو چین ، عالمی اتحاد برائے ویکسین اور حفاظتی ٹیکوں کے مذکورہ معاہدے پر دستخط کرتے ہوئے اس منصوبے میں شامل ہوا تھا۔ انہوں نے کہا کہ چین اس منصوبے کی حمایت کرنے والی سب سے بڑِ ی معیشت ہے ۔ انہیں یقین ہے کہ چین کی مذکورہ منصوبے میں شرکت سے کمپنیوں کے ساتھ مذاکرات کرنے ، کمپنیوں کی پیداواری صلاحیت میں اضافے ، ویکسین کی پیداوار کو یقینی بنانے ، اور ترقی پزیر ممالک میں ویکسین کی دستیابی اور کم قیمت پر اس کی دستیابی کو فروغ دینے کی صلاحیتوں کو مستحکم کرنے میں مدد ملے گی۔ یہ انسانی صحت کے ہم نصیب معاشرے کے تصور کو برقرار رکھنے اور عالمی سطح پر عوامی مصنوعات کے طور پر ویکسین کو فروغ دینے کے عزم کو پورا کرنے کے لیے چین کا ایک اہم اقدام ہے۔