چین نے 138 ممالک کے ساتھ "دی بیلٹ اینڈ روڈ" تعاون کے دستاویزات پر دستخط کیے ہیں، چینی وزارت خارجہ

چین کی وزارت خارجہ کے ترجمان وانگ وین بین نے پانچ تاریخ کو رسمی پریس کانفرنس میں ایک سوال کے جواب میں کہا کہ چین نے ایک سو اڑتیس ممالک کے ساتھ " دی بیلٹ اینڈ روڈ" سے متعلق تعاون کے دستاویزات پر دستخط کئے ہیں، مشترکہ طور پر دو ہزار سے زیادہ منصوبے شروع کیے ہیں ، جس سے ہزاروں افراد کو روزگار ملا ہے۔

انہوں نے مزید کہا کہ "دی بیلٹ اینڈ روڈ" انیشیٹو آغاز کے بعد سات سالوں میں بین الاقوامی عوامی مصنوعات اور تعاون کا سب سے بڑا مقبول پلیٹ فارم بن چکا ہے ۔ 'دی بیلٹ اینڈ روڈ' کی مشترکہ تعمیر کا مقصد مزید زیادہ مقامی لوگوں کو فائدہ پہنچانا ہے۔ کووڈ-۱۹ کی وبا کے دوران ، 'دی بیلٹ اینڈ روڈ' کے تحت متعدد منصوبوں نے مقامی معاشی اور معاشرتی بحالی کو فروغ دینے میں مدد فراہم کی ہے۔