پاکستان اور اومان کا تجارتی روابط بڑھانے اور اقتصادی کمیشن کا اجلاس آئندہ سال کی پہلی سہ ماہی میں بلانے پر اتفاق

 مسقط (آئی این پی )  پاکستان اور   اومان کے مابین   تجارتی روابط بڑھانے اور  اقتصادی کمیشن کا اجلاس آئندہ سال کی پہلی سہ ماہی میں بلانے پر اتفاق ہو گیا ، تفصیلات کے مطابق پاکستانی سیکرٹری  خارجہ تہمینہ جنجوعہ اور اومان کے امور خارجہ کے انڈرسیکرٹری ڈاکٹر محمد بن عواد الحسن نے مسقط میں پاکستان اومان دوطرفہ سیاسی مشاورت کے چھٹے دور کے موقع پر ملاقات کی۔ملاقات میں دوطرفہ سیاسی تعلقات اورکثیرملکی فورموں پراقتصادی اورتجارتی تعاون سے متعلق امور پرتبادلہ خیال کیاگیا۔اس موقع پر تجارتی روابط بڑھانے اور مشترکہ اقتصادی کمیشن کا اجلاس آئندہ سال کی پہلی سہ ماہی میں بلانے پر اتفاق کیا گیا۔