امریکی وزیر خارجہ ریکس ٹلرسن(آج) اسلام آباد پہنچیں گے

اسلام آباد (آ ئی این پی ) امریکی وزیر خارجہ ریکس ٹلرسن(آج) منگل کو اسلام آباد  پہنچیں  گے،ریکس ٹلرسن پاکستانی وزیراعظم شاہد خاقان عباسی، وزیرخارجہ خواجہ محمد آصف اور بری فوج کے سربراہ جنرل قمر جاوید باجوہ سے ملاقات کریں گے  ۔ تفصیلات کے مطابق   امریکی وزیر خارجہ ریکس ٹلرسن(آج) منگل کو اسلام آباد  پہنچیں  گے انہیں  دورہ پاکستان کی  دعوت    وزیرخارجہ خواجہ محمد آصف  نے دی تھی وہ پاکستانی وزیراعظم شاہد خاقان عباسی، وزیرخارجہ خواجہ محمد آصف اور بری فوج کے سربراہ جنرل قمر جاوید باجوہ سے ملاقات کریں گے۔ جن میں  کے دوران پاک امریکہ تعلقات ،افغانستان میں استحکام اور علاقائی سلامتی کے امور پر تبادلہ خیال ہوگا۔ادھر امریکی وزیر دفاع جیمز میٹس بھی اس سال دسمبر میں پاکستان کا دورہ کریں گے۔