چین کی جانب سے پاکستان میں اربوں ڈالر کی سرمایہ کاری سے یہ بات واضح ہوتی ہے کہ دونوں ممالک کو ایک دوسرے کی دوستی پر فخر ہے ، مولانا عبدالغفور حیدری

اسلام آباد (آئی این پی) پاکستان کے ڈپٹی چیئرمین سینٹ مولانا عبدالغفور حیدری نے کہا ہے کہ چین کی جانب سے  پاکستان میں اربوں ڈالر کی سرمایہ کاری سے یہ بات واضح ہوتی ہے کہ دونوں ممالک کو ایک دوسرے کی دوستی پر فخر ہے۔ چینی قیادت نے جو سوچ دی ہے اس سے وہاں کے عوام کی حالت بہتر ہوئی ہے۔ آج پاک چین تعلقات آسمان کی بلندیوں کو چھو رہے ہیں پاکستان کو ترقی کی راہ پر گامزن کرنے کے لئے ہمیں چین کی تقلید کرنی ہوگی۔ کچھ عرصے سے پاکستان دہشت گردی کا شکار رہا اور دہشت گردی کی اس جنگ میں عوام نے ستر ہزار جانوں کی قربانی دی۔ وہ پیر کو چیئرمین پارلیمنٹری کمیٹی سی پیک سینیٹر مشاہد حسین سید کی طرف سے مقامی ہوٹل میں چین کی کمیونسٹ پارٹی کے وفد  کے اعزاز میں دئیے گئے استقبالیہ سے خطاب کر رہے تھے  ڈپٹی چیئرمین سینٹ مولانا عبدالغفور حیدری نے کہا ہے  چینی قیادت نے جو سوچ دی ہے اس سے وہاں کے عوام کی حالت بہتر ہوئی ہے۔ آج پاک چین تعلقات آسمان کی بلندیوں کو چھو رہے ہیں پاکستان کو ترقی کی راہ پر گامزن کرنے کے لئے ہمیں چین کی تقلید کرنی ہوگی۔ کچھ عرصے سے پاکستان دہشت گردی کا شکار رہا اور دہشت گردی کی اس جنگ میں عوام نے ستر ہزار جانوں کی قربانی دی۔  چھ سے سات ہزار سکیورٹی اہلکاروں نے امن کے قیام کے لئے جانوں کا نذرانہ پیش کیا۔ دہشت گردی کے خلاف جنگ میں اتنی  بڑی قربانی کوئی نہیں دے سکتا مگر آج عالمی قوتیں ہماری اس قربانی کو شک کی نگاہ سے دیکھتی ہیں۔ ہمارا یہ عزم ہے کہ ملک سے دہشت گردی کا خاتمہ کریں گے۔ سی پیک منصوبے سے پاکستان کی معیشت سمیت وسطی ایشیائی ریاستوں اور چین کی معیشت میں بھی بہتری آئے گی۔ کچھ طاقتوں نے بلوچستان کو نشانہ بنایا ہوا ہے اور وہ سی پیک منصوبے کو سبوتاژ کرنا چاہتے ہیں اور دہشت گرد سکیورٹی اہلکاروں کو نشانہ  بنا کر اپنا بدلہ لے رہے ہیں مگر دہشت گردی کو ختم کرنے کے لئے جو عزم پاکستانی قوم نے کیا ہے وہ یقیناً پورا ہوگا۔