نئے سال کے حوالے سے پاکستانی اور چینی سفیر کے تہنیتی پیغامات

پاکستان میں تعینات چین کے سفیر   جناب  یاوَ  جنگ کا سال نو کے موقع  پر   پیغام

دو ہزار اٹھارہ  کی آمد پر میں پاکستان میں موجود چینی سفارت خانے کی جانب سے  پاکستان میں مقیم چینی شہریوں،   چینی نژاد پاکستانیوں،    چین کی مدد   اور سرمایے سے چلنے والے  اداروں  اور زیرِ تعلیم چینی طلبا کو نئے سال کی مبارکباد دیتا ہوں ،  چین پاکستان تعلقات کے فروغ کی حامی اور اس کے لیے کوشاں  مختلف حلقوں کی شخصیات کا دلی شکریہ ادا  کرتا ہوں۔

دوہزار اٹھارہ میں پاکستان میں موجود چینی سفارت  خانے کے اہلکار    چینی کمیونسٹ پارٹی  کی انیسویں قومی کانگریس کی روح  اور شی جن پھنگ کے نئے دور میں  چینی خصوصیات کے  حامل سوشلزم کے نظریات پر سنجیدگی سے عملدرآمد کریں گے اور اپنی ذمہ داریوں کو یاد رکھتے ہوئے  ںئی کامیابیوں کے حصول کے لیے  بھر پور کوشش کریں گے۔

 ہم  مختلف شعبہ جا ت میں  باہمی تعاون اور تبادلوں کو فروغ دینے، چین پاک اقتصادی راہداری کی تعمیر  اور چین پاکستان تعلقات کو   نئے بین الاقوامی تعلقات  اور  بنی نوع انسان کے ہم نصیب معاشرے کی مثال بنانے کےلیے  کوشش کریں گے

 پاکستان میں موجود چینی سفارت  خانہ ماضی کی طرح  ہمیشہ  دوںوں ملکوں کے دوستوں کے لیے خدمات سرانجام دینے پر تیارہے۔

میری دلی دعا ہے کہ ہمارا پیارا وطن خوشحال او ر طاقتور رہے اور عوام ہمیشہ خوش اور خوشحال رہیں۔

چین پاک دوستی  زندہ باد اور سدا بہار رہے !

چین میں تعینات پاکستان کے سفیر جناب مسعود خالد کا نئے سال کے موقع پر  پیغام

عزیز  چینی   بھائی ، بہنوں ،نیا سال مبارک ۔

نئے سال کی آمد پر میں چینی عوام اور پاکستانی ہم وطنوں کے لئے نیک خواہشات  کا اظہار  کرتا ہوں۔

پاک چین  برادرانہ دوستی  ہمالیہ   سے بلند ،سمندر سے گہری ، فولاد  سے مضبوط اور شہد سے میٹھی ہے۔  پاکستانی عوام چین اور چینی  لوگوں سے  پیار کرتے ہیں  اور چین  کو  پاکستان کا قابل اعتماد  پرخلوص  دوست  سمجھتے ہیں  ۔

چین کے صدر مملکت شی جن پھنگ کے  پیش کردہ دی بیلٹ اینڈ روڈ  انیشیٹو  سے پاک چین اقتصادی و تجارتی تعلقات کو مہمیز ملا ہے ۔ چین پاک اقتصادی راہداری اس کی ایک واضح اور روشن  مثال ہے ۔   چین پاک اقتصادی راہداری کے تحت علاقے میں مختلف ممالک ،شاہراہوں  ،ریلوے لائنز  اور  آبی راستوں کے ذریعے    ایک دوسرے سے  منسلک   ہو جائیں گے۔ توانائی ،بنیادی تنصیبات اور صنعتی زون کی تعمیر سے علاقے  میں نمایاں  تبدیلی آئےگی ۔

مجھے یقین ہے کہ صدر مملکت  شی جن پھنگ کی رہنمائی میں چین مزید بڑی کامیابیاں حاصل کرےگا  اور پاک چین دوستی  آگے بڑھتی رہےگی ۔

چائنا ریڈیو انٹرنیشل  دونوں ممالک کے عوام کے مابین عوامی  روابط  اور بالخصوص اردو زبان کے فروغ میں اہم کردار ادا کر رہا ہے۔ میں  دو ہزار سترہ  میں چائنا ریڈیو انٹر نیشل   کی خدمات کو بہت سراہتا ہوں اور دو ہزار اٹھارہ میں  دونوں ملکوں کے میڈیا  کے اداروں کے درمیان  زیادہ ثمر باراور تعمیری تعلقات    کے لیے پر امید ہوں۔

نیا سال مبارک ۔پاک چین دوستی زندہ باد！