ٹیلی مواصلات نے ملک میں انقلاب برپا کردیا ' وزیراعظم شاہد خاقان عباسی
2018-01-12 16:26:56
اسلام آباد (آئی این پی) وزیراعظم شاہد خاقان عباسی نے کہا ہے کہ ٹیلی مواصلات کے شعبے نے ملک میں انقلاب برپا کردیا ہے' حکومت انفارمیشن ٹیکنالوجی کے شعبے کو ہر ممکن سہولیات فراہم کررہی ہے' نوجوان طبقے کو آئی ٹی کے شعبے میں دیکھ کر خوشی ہورہی ہے ' منصوبے سے خیبر ایجنسی' مہمند ایجنسی اور ڈیرہ اسماعیل خان کے علاقے مستفید ہونگے۔ جمعہ کو یہاں قبائلی علاقوں میں پائیدار ترقی کے لئے براڈ بینڈ کی فراہمی کے معاہدے پر دستخطوں کی تقریب منعقدہوئی ۔ وزیراعظم شاہد خاقان عباسی مہمان خصوصی تھے۔ منصوبے کا مقصد ٹیلی کام کی ترقی سے ملک کے تمام حصوں کو مستفید کرنا ہے۔ منصوبے کے تحت ملک کے 5896 دیہات کو براڈ بینڈ کی سہولت فراہم کی جارہی ہے۔
شیئر
