2020 تک پاکستان میں بجلی کی مجموعی طلب مکمل کرلیں گے، چینی سفیر یائو جنگ

اسلام آباد (آئی این پی) پاکستان میں چین کے سفیر یائو جنگ  نے کہا ہے کہ سی پیک کا بنیادی مقصد معاشرے اور عوام کی بہتری  ہے۔ سی پیک نے پاک چین دوستی کی ہیت کو تبدیل کردیا ہے۔ سی پیک کے بعد بجلی کی پیداوار میں بہتری آئی ہے۔سی پیک کی کامیابی اور انفراسٹرکچر کی تعمیر سے پیداوار میں اضافہ ہوگا۔سی پیک کے تحت خصوصی صنعتی زونز کا قیام عمل میں لایا جارہا ہے۔ پاکستان میں ہنر مند افرادی قوت تیار کی جانی چاہئے۔سی پیک پاکستان اور چین کے لئے ہی نہیں بلکہ دیگر شراکت داروں کے لئے بھی مفید ہے۔  جمعرات کو چین کے سفیریائو جنگ نے سی پیک سے متعلق تقریب سے خطاب کرتے ہوئے کہا کہ چین پاکستان اقتصادی راہداری دونوں ملکوں کے باہمی تعاون کی توسیع ہے۔ گزشتہ دہائی میں چینی کمپنیوں کے لئے پاکستان میں بہترین کاروبار بجلی جنریٹر کی فروخت تھا ۔سی پیک  کے بعد بجلی کی پیداوار میں بہتری آئی ہے۔پاکستان میں  بجلی کی کل طلب 33 ہزار میگا واٹ  ہے جسے 2020 تک مکمل کرلیں گے۔ بجلی پیداوار کے لئے چھ پاور پلانٹس کامیابی  سے مکمل کرچکے ہیں۔ انہوں نے کہا کہ سی پیک کی کامیابی اور انفراسٹرکچر  کی تعمیر سے پیداوار میں اضافہ کرسکیں گے۔ اور  نجی کمپنیاں اور سرمایہ کار اب سی پیک میں اپنا حصہ ڈال رہے ہیں۔ سی پیک کے تحت علی بابا کمپنی بھی پاکستان آچکی ہے۔