سی پیک سے علاقائی روابط کے ذریعے تمام ملکوں میں خوشحالی آئے گی ،ملیحہ لودھی

نیویارک (آئی این پی ) اقوام متحدہ میں پاکستان کی مستقل مندوب ملیحہ لودھی نے کہا ہے کہ چین پاکستان اقتصادی راہداری سے علاقائی روابط کے ذریعے تمام ملکوں میں خوشحالی آئے گی ۔چینی شہر کا شغر کو پاکستان کی گوادر بندرگاہ سے منسلک کرے گا۔ اس میں تین ہزار کلومیٹر طویل شاہراہوں ، ریلوے ، پائپ لائنز اوربنیادی ڈھانچے کے پروگرام شامل ہیں ۔چینی خبررساں ادارے کو ایک انٹرویو میں انہوں نے کہاکہ ہم پاکستان میں چین کے ایک خطہ ایک سڑک منصوبے کو اکیسویں صدی کے کاروبار کیلئے انتہائی اہم تناظر میں دیکھتے ہیں۔ انہوں نے کہاکہ اس سے نہ صرف چین بلکہ جنوبی اور وسطی ایشیا میں بھی اربوں لوگوں کی زندگیاں بہتربنانے میں مدد ملے گی ۔پاکستانی مندوب نے کہاکہ ایک خطہ ایک سڑک منصوبے کا مقصد تمام لوگوں کی فلاح وبہبود ہے ۔