عمران خان کا دورۂ چین، چین-پاک تعلقات کے لیے بہت مددگار ہوگا: پاکستانی ماہر
2018-11-06 15:42:14
پانچ تاریخ کو پاکستانی وزیر اعظم عمران خان نے چار روزہ دورہ چین مکمل کر لیا۔پاکستان کے مشہور ماہر ضمیر اعوان کے مطابق اس دورے سے پاکستان اور چین کے درمیان ہمہ گیر اسٹریٹیجک تعاون کے شراکت داری تعلقات کو مزید فروغ دیا جائے گا جوسی پیک کی ترقی کے لیے مفید ہوگا اور پاکستانی معیشت میں بھی مدد دے گا۔
ضمیر اعوان نے کہا کہ چائنا انٹرنیشنل امپورٹ ایکسپو پاکستان کے لیے ایک اہم موقع ہے جس سے پاکستان چین اور دنیا کے سامنے اپنی عمدہ مصنوعات پیش کر سکتا ہے ۔یہ پاکستان کے تجارتی خسارے کو کم کرنے کے لیے بھی مددگارہوگا۔
ضمیر اعوان نے کہا کہ اس وقت چین اور پاکستان آر ایم بی اور روپے کے ذریعے دوطرفہ تجارت میں ادائیگی کو فروغ دے رہے ہیں جو کہ پاکستان کی اقتصادی بحالی کے لیے بھی اہم کردار ادا کر سکتی ہے۔