افغان فورسز کی کاروائی ، ۲۴ گھنٹوں میں ۴۴ باغی ہلاک

بدھ کے روز افغان نیشنل ڈائیریکٹریٹ فار سکیورٹی کی جانب سے جاری کردہ پریس ریلیز کے مطابق گزشتہ چوبیس گھنٹوں کے دوران حکومتی فورسز نے حکومت مخالف عسکریت پسند گروہوں کے خلاف دباو بڑھاتے ہوئے منگل کی رات کی گئی کاروائی میں مشرقی صوبے وارداک میں طالبان کے خفیہ ٹھکانے پر حملہ کر کے آٹھ باغیوں کو ہلاک کیا ۔ہلاک ہونے والوں میں صوبائی صدر مقام میدان سحر میں این ڈی ایس کی بیس پر پیر کے روز کیے جانے والے حملے کا ماسٹر مائنڈ بھی شامل ہے ۔ یاد رہے کہ اس تباہ کن حملے میں ایجنسی کے چھتیس اہلکار ہلاک جب کہ اٹھاون افراد زخمی ہوئے تھے ۔

اس کے علاوہ فوج کی جانب سے جاری کردہ بیان کے مطابق حکومتی فورسز کے لڑاکا طیاروں نے میوند ڈسٹرکٹ میں طالبان کے ٹھکانوں پر گولہ باری کی جس کے نتیجے میں سترہ باغی ہلاک جب کہ چھ زخمی ہوئے۔