ٹرمپ اور نئے برطانوی وزیر اعظم کی پہلی ٹیلی فونک بات چیت

امریکی وائٹ ہاؤس نے انتیس جولائی کو ایک بیان جاری کرتے ہوئے کہا کہ امریکی صدر ڈونلڈ ٹرمپ نے چھبیس تاریخ کو برطانوی وزیر اعظم بوریس جانسن کے ساتھ ٹیلی فونک بات چیت کی ،فریقین نے بریگزیٹ کے بعد دوطرفہ اقتصادی تعلقات کو مضبوط بنانے پر اتفاق کیا۔

وائٹ ہاؤس کے مطابق یہ بوریس جانسن کے وزیر اعظم بننے کے بعددونوں رہنماؤں کا پہلا باضابطہ رابطہ تھا۔

بیان میں کہا گیا ہے کہ فریقین نے امریکہ اور برطانیہ کے درمیان خصوصی تعلقات کو مزید مضبوط بنانے کی اہمیت پر بھی تبادلہ خیال کیا۔

یاد رہے کہ بوریس جانسن نے چوبیس تاریخ کو برطانوی وزیر اعظم کا عہدہ باضابطہ طور پر سنبھال لیا ہے۔