سابق امریکی نائب صدر والٹر منڈیل نے بھی"چین امریکہ کا دشمن نہیں ہے" نامی مشترکہ خط پر دستخط کر دئیے

حال ہی میں امریکہ کے مختلف شبعہ زندگی سے تعلق رکھنے والی سینکڑوں شخصیات نے صدر اور کانگریس کے نام ایک مشترکہ خط پر دستخط کیے ہیں جس میں چین کا مقابلہ کرنے کی پالیسی کی مخالفت کی گئی ہے۔ سابق امریکی نائب صدر والٹر منڈیل نے بھی اس مشترکہ خط پر دستخط کردئیے ہیں۔ اس وقت تک اس خط پر دستخط کرنے والوں کی تعداد 180 سے زیادہ ہو گئی ہے۔

مشترکہ خط کا عنوان ہے "چین امریکہ کا دشمن نہیں ہے"۔ اس خط میں کہا گیا ہے کہ امریکی حکومت کے متعدد اقدامات نے امریکہ چین تعلقات کو سخت نقصان پہنچایا ہے۔مشترکہ خط کے دستخط کنندگان کا خیال ہے کہ امریکہ اور چین کے تعلقات میں کشیدگی امریکہ سمیت عالمی مفادات کے مطابقت نہیں رکھتی۔یہ مشترکہ خط تین جولائی کو واشنگٹن پوسٹ میں شائع کیا گیا۔

مشترکہ خط میں نشاندہی کی گئی کہ چین کو دشمن سمجھنے اور چین سے "الگ " ہونے کی کوشش سے امریکہ کی بین الاقوامی حیثیت اور ساکھ کو نقصان پہنچے گا اور دنیا کے تمام ممالک کے معاشی مفادات کو نقصان پہنچے گا۔ مشترکہ خط میں لکھا گیا ، "امریکی مخالفت چین کی معیشت کی مسلسل توسیع ، چینی کمپنیوں کے عالمی مارکیٹ شیئر میں اضافے، اور عالمی امور میں چین کے کردار کو نہیں روک سکے گی۔" اس کے علاوہ ، اگر امریکہ اپنے اتحادیوں کو چین کو دشمن سمجھنے پر مجبور کرتا تو ، امریکہ اور اس کے اتحادیوں کے مابین تعلقات کمزور ہوجائیں گے اور آخر کار وہ چین کے بجائے ،امریکہ کو خود سے الگ کردیں گے۔