افغانستان: مسلح گروہوں میں تصادم 3 ہلاک، 5 زخمی

افغانستان کے شمالی صوبے تخار میں بدھ کے روز متحارب گروہوں میں ہونے والے مسلح تصادم کے نتیجے میں تین افراد ہلاک اور کم از کم پانچ افراد زخمی ہوگئے ہیں۔ صوبائی پولیس کے ترجمان عبدالخیل کی جانب سے شنہوا نیوز ایجنسی کو بتایا گیا ہے کہ بدھ کی رات کسی معمولی بات پر ضلع چاہاب میں ان دونوں گروہوں کے درمیان جھڑپ ہوئی جس نے اس ناخوشگوار واقع کو جنم دیا۔ عام شہریوں کے ساتھ ساتھ دونوں گروہوں کا ایک ایک اہلکار بھی فائرنگ کے اس تبادلے میں ہلاک ہوا۔سکیورٹی فورسسز نے علاقے کا کنٹرول سنبھال کر ان غیر ذمہ دار عناصر کو غیر مسلح کرنے کا کام شروع کردیا ہے۔