شمالی افغانستان میں مختلف جھڑپوں کے د وران سولہ افراد ہلاک

ایک مقامی اہلکار کے جمعہ کے روز کی اطلاع کے مطابق افغانستان کے شمالی صوبے تخار میں جمعرات کی رات طالبان کے وفادار عسکریت پسندگروہ نے سرکاری چوکیوں پر حملہ کرکے چھ سیکورٹی اہلکاروں کو ہلاک جبکہ چار کو زخمی کردیا۔ صوبائی گورنر کے ترجمان محمد جواد حجری نے سینہوا کو بتایا کہ اسی صوبے کے ضلع درقند میں سیکورٹی فورسز کے ساتھ جھڑپوں میں آٹھ عسکریت پسند طالبان کو ہلاک جب کہ پانچ کو زخمی کیا گیا۔ ان جھڑپوں کے دوران دو عام شہری ہلاک اور دو زخمی ہوئے۔

طالبان عسکریت پسندوں کا صوبے کے بعض پہاڑی حصوں پر قبضہ ہے جہاں سے وہ سیکورٹی فورسز پرحملے کرکے واپس چھپ جاتے ہیں۔

یاد رہے کہ ملک کے اندر موسم بہار اور موسم گرما میں عسکریت پسند اور عسکریت پسند مخالف کاروائیوں میں اضافہ ہوجاتاہے اسلیے مقامی طور پر اسے جنگ کا موسم کہتے ہیں۔