انسانی حقوق کی کونسل میں مغربی ممالک کی جانب سے انسانی حقوق کی خلاف ورزیوں پر تنقید

دس سے گیارہ تاریخ کو اقوام متحدہ کی انسانی حقوق کونسل کے بیالیسویں اجلاس کے دوران ہائی کمشنر برائے انسانی حقوق کے دفتر کی جانب سے جاری کردہ رپورٹ پر عام بحث کا آغاز کیا گیا ۔ متعدد غیر سرکاری تنظیموں نے امریکہ اور یورپ سمیت مغربی ممالک کی جانب سے انسانی حقوق کی خلاف ورزیوں پر کڑی تنقید کی۔

"سینٹر آف یوتھ اسٹڈیز" نے اس بات پر مذمت کی کہ امریکہ نے وینزویلا پر اقتصادی پابندیاں عائد کرنے کے علاوہ وینزویلا کے اثاثے منجمد کر دئیے۔ اس کے علاوہ وینزویلا کی تیل کی برآمدات پر پابندی لگانے سمیت دیگر یکطرفہ اقدامات اختیار کئے اور وینزویلا میں بغاوت کو ہوا دی۔ ان امریکی اقدامات سے وینزویلا کے عوام غربت کا شکار ہوئے اور ملک کو بد امنی کا سامنا کرنا پڑا۔