امریکہ اور طالبان کے درمیان مذاکرات کی بحالی ضروری ہے،روسی وزارت خارجہ

روس کی وزارت خارجہ کے پریس ڈیپارٹمنٹ کی طرف سے جاری اطلاع کے مطابق تیرہ ستمبر کو افغان امور کے حوالے سے روسی صدر کے خصوصی مندوب اور وزارت خارجہ کے اہلکار زامیر کابو لوو نے ماسکو میں افغان طالبان کے وفد سے ملاقات کی۔ اس موقع پر انہوں نے کہا کہ امریکہ اور طالبان کے مابین مذاکرات بحال ہونے چاہئیں ۔ طالبان کے وفد نے کہا کہ وہ امریکہ کے ساتھ ڈائیلاگ جاری رکھنے کے لیے تیار ہیں۔

اکتوبر دو ہزار اٹھارہ سے امریکی حکومت اور طالبان کے درمیان مذاکرات کے نو ادوار منعقد ہوئے اور فریقین کے درمیان معاہدے کا فارمولہ طے پایا ہے تاہم امریکی صدر ٹرمپ نے نو ستمبر کو وائٹ ہاؤس میں میڈیا کو بتایا کہ امریکہ اور طالبان کے درمیان مذاکرات ختم ہوچکے ہیں۔