اقوام متحدہ کی سلامتی کونسل کی جانب سے افغانستان میں دہشت گرد حملوں کی مذمت

اقوام متحدہ کی سلامتی کونسل نے انیس تاریخ کو جاری ایک بیان میں گذشتہ دنوں افغانستان میں ہونے والے دہشت گردی کے واقعات کی سخت الفاظ میں مذمت کی ہے۔ بیان میں ہلاک ہونے والے افراد کے اہل خانہ اور افغان حکومت کے ساتھ گہری ہمدردی کا اظہار کیا گیا ہے۔

سلامتی کونسل نے زور دیا کہ اس قسم کی دہشت گردانہ کارروائیوں کے مرتکب افراد، ان کے سہولت کاروں اور حامیوں کو قانون کے مطابق سزائیں دی جانی چاہییں۔اس بیان میں تمام ممالک پر زور دیا گیا ہے کہ وہ بین الاقوامی قوانین اور سلامتی کونسل کی متعلقہ قرارداد وں کی روشنی میں اپنے فرائض ادا کرتے ہوئے افغان حکومت کے ساتھ موثر تعاون کریں ۔

انیس تاریخ کو افغانستان کے جنوبی صوبے زابل کے صدر مقام قلات میں ایک کاربم حملہ ہوا جس میں پندرہ افراد ہلاک جب کہ ساسٹھ سے زائدزخمی ہوئے۔واضح رہے کہ سترہ تاریخ کو افغان صوبے پروان اور دارالحکومت کابل میں ہونے والے بم دھماکوں میں چھالیس افراد ہلاک ہوئے تھے۔

افغان طالبان نے ان تینوں حملوں کی ذمہ داری قبول کی۔