امریکی فوجی حملے میں " داعش " کے سربراہ کی ہلاکت کا خدشہ : امریکی میڈیا

چھبیس اکتوبر کی رات کو امریکی میڈیا کے متعدد چینلز نے یہ اطلاع دی کہ امریکی فوج نے شام کے شمال مغربی شہر ادلب میں ،انتہا پسند تنظیم " داعش " کے سربراہ ابو بکر بغدادی کے خلاف فوجی کاروائی کی اور خدشہ ہے کہ ابوبکر بغدادی اس حملے میں ہلاک ہو گئے ہیں ۔
امریکہ کے جریدے " نیوز ویک " کے مطابق باوثوق ذرائع کے حوالے سے اطلاع ہے کہ پینٹاگون نے وائٹ ہاؤس کو بتایا ہے کہ اسے بڑی حد تک یقین ہے کہ بغدادی اس حملے میں مارا گیا ہے۔جبکہ سی این این کا کہنا تھا کہ بغدادی خود کش بم دھماکے میں ہلا ک ہو گیا ہے ۔