شام میں پچاس لاکھ بچے امداد کے منتظر

شام میں یونیسیف کے نمائندے فرین ایکویزا نے اکیس تاریخ کو جنیوا میں پریس کانفرنس کے دوران کہا کہ شام میں کئی برسوں سے جاری خانہ جنگی کے باعث لاکھوں شامی بے گھر ہو چکے ہیں جن میں بچوں کی بڑی تعداد بھی شامل ہے۔خانہ جنگی سے متاثرہ شام میں مختلف نوعیت کی بنیادی ضروریات کی کمی ہے اور متعدد طبی اور تعلیمی تنصیبات بھی تباہ ہو چکی ہیں۔ ہر آٹھ شامی بچوں میں سے ایک بچہ غذائیت کی کمی کا شکار ہے۔انہوں نے کہا کہ شام میں پچاس لاکھ بچوں کو انسانی ہمدردی کی بنیاد پر امداد کی اشد ضرورت ہے۔رواں سال شام میں تصادم کے باعث چھ سو سینتالیس بچے جاں بحق ہوئے ہیں۔انہوں نے مختلف ممالک سے اپیل کی کہ داعش کے زیر اثر علاقے سےباہر نکلنے والے بچوں کو قبول کیا جائے۔