شمالی افغانستان: فضائی حملے میں 8 طالبان جنگجو ہلاک

افغان وزارت دفاع کی جانب سے جاری ایک بیان کے مطابق ہفتے کے روز شمالی افغانستان کے صوبے قندوزمیں طالبان جنگجووں کے ایک ٹھکانے پر لڑاکا طیاروں کے حملے میں 8 عسکریت پسند ہلاک ہوگئے۔

بیان کے مطابق ، یہ فضائی حملے تلوکا کے علاقے میں کیے گئے اور ان کارروائیوں کے دوران آٹھ عسکریت پسندوں کو ہلاک اور سات کو زخمی کرنے کے علاوہ باغیوں کے دو ٹھکانوں کو بھی تباہ کردیا گیا۔

بیان میں مزید کہا گیا ہے کہ اس کارروائی کے دوران پانچ عسکریت پسندوں کی گرفتاری بھی عمل میں آئی ہے۔ حکام کے مطابق یہ کارروائیاں اس وقت تک جاری رہیں گی جب تک کہ یہ علاقہ جنگجووں سے پاک نہیں ہوجاتا۔

طالبان عسکریت پسندوں نے تاحال اس بارے میں کوئی تبصرہ نہیں کیا ہے۔