چینی کاروباری اداروں کی بنگلہ دیشی "جاب فیئر " میں شرکت

بنگلہ دیش کی "ساؤتھ اینڈ نارتھ یونیورسٹی" کے زیر اہتمام 2019 کا "اوپن جاب فیئر" ، تیس تاریخ کو بنگلہ دیش کے دارالحکومت ڈھاکہ میں منعقد ہوا۔اس جاب فیئر میں مقامی یونیورسٹیوں کے 20،000 سے زیادہ درخواست دہندگان اور 100 سے زیادہ کمپنیوں نے شرکت کی۔ ان کمپنیوں میں ، بنگلہ دیش میں قائم 40 سے زیادہ چینی کمپنیاں بھی شامل ہیں۔

اطلاعات کے مطابق ، میلے میں شریک چینی کمپنیوں کا تعلق انفراسٹرکچر ، پارچہ بافی ، مواصلات اور سیاحت سمیت دیگر شعبوں سے ہے۔ ان اداروں کو انجینئرنگ ٹیکنالوجی ، کاروبار ، اکاؤنٹنگ ، ترجمہ کرنے سمیت دیگر صلاحیتوں کے حامل کارکنان کی ضرورت ہے۔ جاب میلے کے دوران ، چینی کمپنیوں کو 8،000 سے زائدسی وی موصول ہوئے ہیں۔

بنگلہ دیش میں چینی چیمبر آف کامرس کے صدر لن وی چھانگ نے کہا کہ "دی بیلٹ اینڈ روڈ" کی تعمیر میں پیشرفت کے ساتھ ہی بہت ساری چینی کمپنیاں بنگلہ دیش میں داخل ہوئیں۔ دونوں ممالک کے مابین معاشی اور تجارتی تبادلوں کو وسعت دینے سے، چینی کاروباری ادارے بنگلہ دیش میں روزگار کے اہم پلیٹ فارمز میں سے ایک بن جائیں گے۔

یونیورسٹی آف ساؤتھ اینڈ نارتھ کے کنفیوشس انسٹیٹیوٹ کے سربراہ نے کہا کہ حالیہ برسوں میں ، چینی بولنے والے گریجویٹس کی طلب میں مقامی یا غیر ملکی کمپنیوں کے ذریعہ ہر سال اضافہ ہوا ہے۔ عام طور پر ہمارے طلبا کو بنیادی چینی کورس مکمل کرنے کے بعد جلد ہی کام مل جاتا ہے۔

بنگلہ دیش کی وزارت اطلاعات کے اعلی عہدیداروں ،"ساؤتھ اینڈ نارتھ یونیورسٹی" کے نمائندوں ، بنگلہ دیش میں چینی چیمبر آف کامرس کے نمائندوں سمیت اہم شخصیات نے اس جاب فئیر میں شرکت کی۔