اسرائیل کی یہودیوں کی نئی بستی کے قیام کے منصوبے کی منظوری

اسرائیل کے وزیر دفاع نفتالی بینیٹ نے یکم دسمبر کو جاری اپنے ایک بیان میں اس بات کی توسیق کی ہے کہ دریائے اردن کے مغربی کنارے پر واقع فلسطین کے شہر ہیبرون میں یہودیوں کی ایک نئی بستی قائم کی جائے گی ۔

فلسطین لبریشن آرگنائزیشن کی ایگزیکٹو کمیٹی کے سیکریٹری جنرل ایریکات نے اسی دن اسرائیل کی جانب سے یہودیوں کی نئی بستی کی تعمیر کے منصوبے کی مذمت کرتے ہوئے ایک بیان جاری کیا۔ ایرکات کا کہنا تھا کہ اسرائیل کا یہ عمل امریکہ کی طرف سے اسرائیل کی آباد کاری کو غیر قانونی قرار نہ دینے کا ٹھوس نتیجہ ہے۔ انہوں نے عالمی برادری سے مطالبہ کیا کہ وہ ان بستیوں پر پابندیاں عائد کرے۔

یاد رہے کہ امریکی وزیر خارجہ مائیک پومپیو نے اٹھارہ نومبر کو کہا تھا کہ امریکی حکومت اب یہ نہیں سمجھتی کہ دریائے اردن کے مغربی کنارے پر قائم اسرائیلی یہودی بستیاں "بین الاقوامی قوانین سے مطابقت نہیں رکھتیں" ۔ ادھر اقوام متحدہ کے سیکریٹری جنرل انتونیو گوتریس نے ستائیس نومبر کو کہا کہ مقبوضہ فلسطینی علاقوں میں اسرائیلی یہودی بستیوں کا قیام بین الاقوامی قوانین کی کھلی خلاف ورزی ہے۔