طالبان نے افغان الیکشن کمیشن کے آٹھ مغوی اہلکاروں کو رہا کردیا

دس دسمبر کو افغان صوبے پاروان کے گورنر کی نمائندہ واحدہ شاہکار نے بتایا کہ طالبان نے دو ماہ قبل اغوا کیے گئے افغان الیکشن کمیشن کے آٹھ اہلکاروں کو رہا کر دیا ہے۔ سرکاری ذرائع کے مطابق ان آٹھ اہلکاروں کو اٹھائیس ستمبر کو ہونے والے صدارتی انتخابات کے دن ، مسلح افراد نے ڈسٹرکٹ شنواری سے اغوا کیا تھا تاہم دو ماہ بعد اکابرین کے ذریعے ان کی

رہائی عمل میں آئی ہے۔

اٹھائیس ستمبر کو ہونے والے الیکشن دو ہزار ایک می٘ں طالبان کی حکومت کے خاتمے کے بعد چوتھے صدارتی الیکشن ہیں ۔ سخت سکیورٹی میں ہونے والے ان انتخابات میں سولہ صدارتی امیدواروں نے حصہ لیا تھا۔ انتخابی نتائج کا اعلان ہونا ابھی تک باقی ہے۔