افغانستان فورسز کی کارروائی ، پچیس شرپسند ہلاک

اٹھارہ دسمبر کو افغان فوج کی جانب سے جاری ایک بیان میں بتایا گیا ہے کہ افغانستان کے جنوبی صوبےقندھار میں گذشتہ چوبیس گھنٹوں کے دوران پچیس عسکریت پسند مارے گئے ہیں جب کہ صوبے کے مزاحمتی ڈسٹرکٹ شاہ ولی کوٹ میں آپریشن کلین اپ جاری ہے۔

تفصیلات کے مطابق منگل کی صبح لڑاکا طیاروں کی مدد سے شورش زدہ ڈسٹرکٹ شاہ ولی کوٹ کے کچھ علاقوں میں کی جانے والی کارروائی کے نتیجے میں متعدد عسکریت پسند زخمی بھی ہوئے ہیں۔ سکیورٹی فورسز کے جانی نقصانات کے بارے میں معلومات فراہم نہیں کی گئیں ۔

بیان میں کہا گیا ہے کہ یہ کارروائی اس وقت تک جاری رہے گی جب تک یہ علاقہ مسلح عسکریت پسندوں سے پاک نہیں ہوجاتا ۔

طالبان کی جانب سے اس بارے میں ابھی تک کوئی تبصرہ سامنے نہیں آیا ہے