عوامی جمہوریہ کوریا کے اعلی رہنما کی زیر صدارت ملک کی عسکری صلاحیت میں اضافے کیلئے اجلاس کا انعقاد

شمالی کوریا کی سینٹرل نیوز ایجنسی کی اتوار کی ایک رپورٹ کے مطابق شمالی کوریا کے اعلی رہنما کم جون ان کی صدارت میں اعلی عسکری اہلکاروں کا ایک اجلاس منعقد ہوا ۔ رپورٹ کے مطابق اجلاس کا مقصد ملک کی عسکری صلاحیت میں اضافہ کرنا تھا۔ اجلاس میں ادارہ جاتی اور ڈھانچہ جاتی اقدامات، ملک کی مجموعی عسکری دفاع میں بہتری اور اپنی دفاع کیلئے عسکری صلاحیت میں پائیدار اور تیز تر ترقی سے متعلق اہم امور کا جائزہ لیا گیا۔ کم نے شمالی کوریا کی ورکرز پارٹی کے مرکزی فوجی کمیشن کے تیسرے بڑے اجلاس کےدوران پیچیدہ اندرونی اور بیرونی صورتحال کا جائزہ بھی پیش کیا۔ رپورٹ میں بتایا گیا کہ اجلاس میں مرکزی فوجی کمیشن کے کچھ ارکان کو ہٹایا گیا اور کچھ نئے اراکین کا انتخاب کیا گیا۔