مشرقی افغانستان میں جنازے میں بم دھماکہ ، تین شہری ہلاک

افغانستان کی وزارت داخلہ کے ترجمان نے بتایا کہ پیر کے روز افغانستان کے مشرقی صوبہ لغمان کے ضلع دولت شاہی کے گاوں خاص میں ایک مقامی قبائلی سردار کےجنازے کے دوران ہونے والے بم دھماکے میں تین شہری ہلاک اور نو زخمی ہوگئے۔

اہلکار نے بتایا کہ دھماکہ دیسی ساختہ بم سے کیا گیا اور مزید تفصیلات تفتیش کے بعد جاری کی جائینگی۔

اافغانستان میں قوام متحدہ کے مشن کے جاری کردہ اعدادوشمارکے مطابق رواں سال کے ابتدائی نو مہینوں میں لڑائی سے جڑے واقعات میں دو ہزار پانچ سو ساٹھ عام شہری ہلاک جبکہ پانچ ہزار چھ سو ستر زخمی ہوگئے ہیں۔