امریکہ مشرق وسطی میں مزید تین ہزار فوجی بھیجے گا، امریکی ذرائع ابلاغ
2020-01-04 15:16:55
تین جنوری کو امریکی ذرائع ابلاغ کی جانب سے جاری کردہ اطلاعات کے مطابق امریکہ مشرق وسطی میں موجود خطرات سے نمٹنے کے لئے مزید تین ہزار فوجی اہلکار خطے میں بھیجے گا۔
این بی سی نیوز کی خبر کے مطابق ، پینٹاگون اور امریکی عہدے داروں نے تصدیق کی ہے کہ امریکی فوج مشرق وسطی میں مزید تین ہزار اضافی فوجی بھیجے گی ، جہاں وہ تقریباً ساٹھ دن کے لئے تعینات رہیں گے۔ وال اسٹریٹ جرنل نےامریکی حکام کے حوالے سے بتایا ہے کہ اضافی فوجی اس ہفتے کے آخر میں ہی کویت میں تعینات کردیئے جائیں گے۔
اسی روز، پینٹاگون کے ترجمان نے ایک بیان میں کہا ہے کہ امریکی فوج کی 82 ویں ایئر بورن ڈویژن کی "ریپڈ رسپانس بریگیڈ" پہلے ہی "اسٹینڈ بائی" پر ہے اور اس کی ایک بٹالین مشرق وسطی میں تعینات کردی گئی ہے اور باقی بریگیڈ کو کویت میں تعینات کیا جائے گا
شیئر
