امریکی صدر ڈونلڈ ٹرمپ نے عراق پر وسیع پیمانےپر پابندیاں لگانے کی دھمکی دے دی

امریکی صدر ڈونلڈ ٹرمپ نے پانچ تاریخ کو کہا کہ اگر عراق غیرمناسب طریقے سے امریکی فوج کے انخلا کا مطالبہ کرے گاتو امریکہ عراق پر بڑے پیمانے پر پابندیاں عائد کرے گا۔ عراقی قومی اسمبلی نے اسی دن عراق میں غیرملکی فوج کی تعیناتی کے بارے میں ایک قرارداد کی منظوری دی تھی۔قرار داد کے ردعمل میں صدر ٹرمپ نے سماجی رابطے کی ویب سائٹ پر جاری بیان میں کہا کہ امریکہ عراق پر ایسی پابندیاں عائد کرے گا جس کی پہلے کوئی مثال نہیں ملتی۔

انہوں نے کہا کہ عراق میں امریکہ کا ایک بہت قیمتی ایئر بیس موجود ہے۔ جب تک عراق اس ائر بیس کی قیمت ادا نہیں کرتا ، امریکی فوج عراق سے انخلا نہیں کرے گی۔ اسی دن امریکی وزارت خارجہ کے ترجمان نے کہا کہ امریکہ عراقی قومی اسمبلی کے اس عمل پر افسوس کا اظہار کرتا ہے ۔ امریکہ نے عراق کے اعلی عہدیداروں کو دونوں ممالک کے تعلقات پر غور سے سوچنے پر زور دیا ہے۔