ایران کی طرف سے عراق میں امریکی فضائی اڈے پر میزائل حملے

سنہوا نیوز ایجنسی نے آٹھ تاریخ کو ایرانی میڈیا کے حوالے سے اطلاع دی ہے کہ اسی دن ایران کی پاسداران انقلاب نے عراق میں اسد ائیر بیس پر درجنوں میزائل داغے ہیں۔ اس فضائی اڈے پر امریکی فوجی دستے تعینات ہیں تاہم ابھی تک کسی جانی نقصان کی اطلاع نہیں ملی۔

پینٹاگون نے بھی میزائل حملے کی تصدیق کرتے ہوئے بتایا ہے کہ یہ میزائل ایران نے لانچ کیےتھے۔ وائٹ ہاؤس کی جانب سے جاری کردہ بیان کے مطابق امریکہ کو عراق میں امریکی اڈوں پر حملوں سے متعلق آگاہ کر دیا گیا ہے اور صدر ٹرمپ کو اس معاملے کی رپورٹ پیش کر دی گئی ہے ، امریکی صدر اس معاملے میں ہونے والی تمام تر پیش رفت کی کڑی نگرانی کر رہے ہیں۔