روسی صدر کا دورہِ شام

روس کے صدر ولادیمیر پوتن سات جنوری کو شام کے دارالحکومت دمشق پہنچے ۔ اسی دن انہوں نے شامی صدر بشار الاسد سے مذاکرات کئے۔ شام میں دو ہزار گیارہ کے بحران کے بعد ولادیمیر پوتن کا یہ پہلا دورہِ شام ہے۔

شام کے قومی ٹی وی کے مطابق دونوں صدورنے دمشق میں ایک فوجی کیمپ میں مذاکرات کیے۔ فریقین نے شام میں تعینات روسی کمانڈر کی رپورٹ سنی اور ادلیب اور شمالی شام کی صورتحال، انسداد دہشت گردی اور شام کے سیاسی عمل کو آگے بڑھانےسمیت شام نیزخطے کی موجودہ صورتحال پر بات چیت کی۔

دونوں ممالک کے رہنماوں نے شام میں تعینات روسی افسران اور سپاہیوں کو نئے سال کی مبارکباد پیش کی۔ بشار الاسد نے کہا کہ وہ اور شامی عوام روسی فوج کے شکر گزار ہیں ، جو شامی فوج کے شانہ بشانہ برسرِ پیکار رہی۔