ڈبلیو ایچ او کے ڈائریکٹر جنرل کی طرف سے بین الاقوامی سفر اور تجارت پر پابندی نہ لگانے کی اپیل

کچھ ممالک نے حال ہی میں چین کے نوول کرونا وائرس کے پھیلاو کی روک تھام کے لئے سفر اور تجارت پر پابندیوں کا ایک سلسلہ شروع کیا ہے ، جس میں گزشتہ چودہ دن کے اندر چین کا دورہ کرنے والے غیر ملکیوں کے داخلے پر پابندی ،پروازوں کی منسوخی شامل ہیں وغیرہ۔ یہ اقدامات ڈبلیو ایچ او کی سفارشات کے منافی ہیں۔

ورلڈ ہیلتھ آرگنائزیشن کے ڈائریکٹر جنرل ٹیڈروس نے تین تاریخ کو ورلڈ ہیلتھ آرگنائزیشن کی ایگزیکٹو کمیٹی کے اجلاس کے موقع پر کہا کہ ممالک کو حقائق کو مدنظر رکھنا چاہئے اور سائنسی اور عقلی تحفظات کو عمل میں لانا چاہیے۔احتیاطی تدابیر ضروری ہیں ، لیکن ضرورت سے زیادہ ردعمل نہیں ظاہر کیا جانا چاہیے۔ عالمی ادارہ صحت اب بھی سابقہ سفارشات کو برقرار رکھتا ہے جو بین الاقوامی سفر اور تجارت پر پابندی کے خلاف ہیں۔