امریکی وائٹ ہاؤس کی جانب سے امریکی حملے میں القاعدہ کے جزیرہ نما عرب شاخ کے رہنما کی موت کی تصدیق

مقامی وقت کے مطابق چھ فروری کو امریکی وائٹ ہاؤس نے بیان جاری کرتے ہوئے کہا کہ القاعدہ کے جزیرہ نما عرب شاخ کے رہنما قاسم الریمی کوامریکی فضائی حملے میں ہلاک کردیا گیا ہے۔

بیان میں کہا گیا کہ صدر ڈونلڈ ٹرمپ کی ہدایت پر امریکی فورسز نے یمن میں انسداد دہشت گردی کے خلاف اپریشن کیا ، جس میں قاسم الریمی کو ہلاک کردیاگیا ۔ بیان میں مزید کہا گیا ہے کہ قاسم الریمی کی موت سے امریکہ اور اس کے اتحادیوں کے مفادات کو مزید محفوظ بنا یاگیا ہے۔

امریکی میڈیا نے حال ہی میں رپورٹ کیا ہے کہ حال ہی میں القاعدہ کی جزیرہ نما عرب شاخ نے دعوی کیا کہ سعودی رائل ایئر فورس کا سیکنڈ لیفٹیننٹ محمد ال شملانی جس نے گزشتہ سال دسمبر میں فلوریڈا کے بحری ایئر اسٹیشن میں فائرنگ کی تھی ،ان کا ایک رکن تھا ، لیکن انہوں نے اپنے دعوی کیلئے ثبوت فراہم نہیں کیے۔ محمد ال شملانی نے 6 دسمبر کو فلوریڈا کے بحری ایئر اسٹیشن میں ایک کلاس روم میں فائرنگ کی تھی جس سے امریکی بحریہ کے 3 فوجی ہلاک اور آٹھ زخمی ہوگئے تھے۔