ترکی شام میں جارحیت کررہا ہے ، اقوام متحدہ میں تعینات شامی نمائندے کا بیان

اقوام متحدہ میں شام کے نمائندے بشار الجعفری نے حال ہی میں اقوام متحدہ کی سلامتی کونسل کے ایک اجلاس میں شام کے صوبے ادلیب کی صورتِ حال پر بات کرتے ہوئے شام میں ترک جارحیت کی مذمت کی ۔ بشار الجعفری نے دو ٹوک الفاظ میں کہا کہ شامی حکومت صوبہ ادلیب میں دہشت گرد تنظیم پر بلا تامل ،مزید کاری ضرب لگائے گی اور صوبہ ادلیب کے عوام اور شام کی سرزمین کا تحفظ کرے گی ۔ ان کا کہنا تھا کہ شام کے دہشت گرد تنظیم کے خلاف کیے جانے والے کریک ڈاون کی حمایت کی جانی چاہیے۔ترکی شام میں جارحیت کر رہا ہے اور اقوام متحدہ کے مستقل رکن ممالک سلامتی کونسل کے ذریعے شامی حکومت پر دباؤ ڈالنے کی کوشش کر رہے ہیں ۔

اطلاعات کے مطابق حال ہی میں شام کے صوبہ ادلیب کی صورتِ حال اچانک بے حد سنگین ہوگئی ہے ۔ شامی افواج اور ترک افواج کے درمیان براہ راست لڑائی ہوئی ہے۔