چین میں وبا کے خاتمے کے لئے پرامید ہیں، عالمی ادارہ صحت

مقامی وقت کے مطابق تیرہ فروری کو عالمی ادارہ صحت کے ماہر برائے وبائی امراض پروفیسر رابرٹ اسٹیفن نے چائنا میڈیا گروپ کو انٹرویو دیتے ہوئے کہا کہ وبا کی روک تھام اور کنڑول کے لئے چین کی بھرپور کوششوں کے پیش نظر وہ وبا پر جلدحتمی کنٹرول کے لئے پرامید ہیں۔

پروفیسر رابرٹ اسٹیفن نے کہا کہ نوول کرونا وائرس انفیکشن کے نمونیا کی تازہ ترین صورتحال کے مطابق تصدیق شدہ کیسوں کی تعداد میں کمی آرہی ہے۔ حالانکہ مستقبل میں غیریقینی عناصر بھی موجود ہیں، تاہم مجموعی صورتحال امید افزا ہے۔ان کے خیال میں اس وبا کی روک تھام اور کنڑول کے حوالے سے چین اور عالمی ادارہ صحت سمیت دنیا کے دیگر ممالک نے بہتر تجربات حاصل کئے ہیں اور اس وائرس کا مقابلہ کرنے کے لئے بہتر ین تیاری بھی کی ہے۔ یہی وجہ ہے کہ وہ اس وائرس پر جلد قابو پانے کے حوالے سے پرا میدہیں۔

انہوں نے مزید کہا کہ لوگوں کو گھبرانے کی ضرورت نہیں ہے ، لیکن انہیں اپنی روز مرہ حفاظت کے حوالے سے محتاط رہنا چاہئے۔