ایرانی صدر کا امریکہ کے بارے میں واضح موقف

سولہ فروری کو منعقدہ پریس کانفرنس میں ایرانی صدر حسن روحانی نے امریکہ کے آنے والے عام انتخابات کے بارے میں بات کرتے ہوئے کہا کہ چاہے آنے والا امریکی صدر کوئی بھی ہو، اس کو اپنے خیالات کو تبدیل کرتے ہوئے ناصرف امریکی عوام بلکہ خطے کے عوام کے لیے مفید راستے کا انتخاب کرنا ہوگا اور یک طرفہ پسندی کا نظریہ ترک کرنا ہوگا ۔امریکہ اپنے آپ کو دنیا کا رہنما مت سمجھے بلکہ اسے دوسرے ممالک کی تجاویز کو سننا ہوگا ، اس سے بہت سے عالمی مسائل کو حل کیا جا سکے گا۔

حسن روحانی نے امریکہ کی طرف سے ایران پر عائد پابندیوں کا ذکر کرتے ہوئے کہا کہ ایران نے کامیابی کے ساتھ امریکی دباو کے خلاف مزاحمت کی ۔ ایران انتہائی دباو کے زیرِ اثررہتے ہوئے امریکہ کے ساتھ مذاکرات نہیں کرے گا۔

انہوں نے کہا کہ اگرچہ امریکہ نے ایران پر سخت پابندیاں لگائی ہیں لیکن ایران کی معیشت بہتر ہو رہی ہے . ایران نے صرف اپنی تیل پر مبنی معیشت پر مکمل انحصار نہیں کیا ہے ،ایران میں افراط زر کی شرح کم ہو رہی ہے ۔ انہوں نے کہا کہ جب تک امریکہ ایران پر عائد پابندیوں کو ختم نہیں کرے گا اور ایران سے متعلق ایٹمی معاہدے میں واپس نہیں آئے گا ،اس وقت تک ایران امریکہ کے ساتھ ایران سے متعلق ایٹمی معاہدے کے ڈھانچے کے تحت مذاکرات نہیں کرے گا۔